بُصِّى جَنْبِك..//للشاعر والأديب والمؤرخ الموسوعي د.محمد ضباشه عضو اتحاد الكتاب المصريين🇪🇬
بُصِّى جَنْبِك
محمد ضباشه
بُصِّى جَنْبِك هتلاقينى
نبض قلبك نن عينى
بسمة ويا السهد تسهر
ع الرموش حابه تشليني
إفتحى طاقة ف خيالك
تشربى كاسات حنيني
تسألينى أنت مالك ؟
راح أقولك علميني
كيف يكون القرب جَنَّةٌ
ألقى فيها الشوق ملينى
كيف تكون القبلة حِنّة
ع الشفايف تطبعينى
شمعة جوا القلب تسهر
ويا روحك تبدريني
اطرح الأحضان محبة
جوا ارضك تحفريني
طير ولايف ع الحياة
بس خايف تهجريني
لو قفلت الطاقة لحظة
وانتبهت وقلت فينى
راح ساعتها الدمعة تنزل
ع الخدود وتعذبيني
أو تسيبي الدمع يغرق
جوا بحرك صدقيني
فيها ايه لو كان لقانا
ويا حضن تهدهديني
تعليقات
إرسال تعليق