الاراجوز ..//للشاعرة هدى صبحي
*الاراجوز*
اراجوز تعال قرب
فتح عينك ع الاراجوز
تعال اتفرج
اسمع مني احلي حكايات
كلام كبير كله حكم وعبر
كلامي من صميم قلبي
مفهوش مجاملات
، ولا حتى نفاق
اقول الحق حتى
لو علي رقبتي
كلامي تلقائي بسيط
شعبي، واتيكيت
اكلم الوزير، و الفقير
اتظلمت كتير من اقرب
المقربين
صاحبي قلمي
رفيقة دربي ورقتي
لما كان معاي فلوس
الغريب، والقريب
وقفولي طابور
كلمتي كانت مسموعه
أشارت ايدي امر مطاع
كان لي اهل، وعزوة
اليوم أصبحت مجرد
ذكرى من زمن عدي
انا الاراجوز لفيت كتير
شقيت، وشوفت كتير
مفيش بخت، ولا حتي
نصيب
زماني راح مع شبابي
ضحكتي شاحبه بلون
بشرتي
اراجوز اراجوز مركون
علي الرف ك دمية قديمة
حظها قل
الكلمه خدها مني عبره
لاعز دام ، و لافقر
دام
الدنيا مرجيحة لا خلت
ال فوق فوق
ولا ال تحت تحت
دوام الحال من المحال
مادام الا وجه الله
Hoda Sobhy
تعليقات
إرسال تعليق