سايق توك توك مش عارف يتحكم بيه بقلم هدى صبحي //مصر
*التوك توك*
توك توك شغال مش بطال
عمال يلف ليل و نهار
التوك توك فرض حاله علينا
صار واقع من ضيق الحال
فى حاره ضيقة و شارع
منهار مواصلة بسيطة
خفيفه سهلة الحركه
من مكان ل مكان
في الحارة عامل طياره
استر يا ستار
عيبه مين سايقه
عقلي منهم اصبح محتار
تلاقى واد طايش عامل
فيها ابن ذوات
من مياصته، وسرعته
عاملي صداع
ضارب نص شعره اكسجين
مبلطه متعرفش بشحم
، ولا بعلبة فازلين
واللى مكهرب ومحنط شعره
اخلاق طين سايق عريان
بشورت، وفانله حمالات
كاتب علي ضهر التوكتوك.
حاله فاكر نفسه فنان
ميعرفش انه عايش بعقل
خربان
طيب بزمتكم اخلاق
ساعات تلاقى طفل صغير
سايق توك توك مش عارف
يتحكم فيه
اما بيغلط مين هيحاسب
الكل واخد الموضوع عادى
او حتى هزار
ده ال بتركب فايقه بتنزل
هابطه
من الحشيش، والدخان
السرعة بغشوميه
تنزل متكسر مرضان
كأنك لسه هربان من ألف
حصار
معقول مفيش مسئول
يوضعله قواعد
ان شاء الله
لما اتكلمت قالولي
بطلى احلام عيشى
الواقع والاوهام
ده التوك توك غول
سماعاته صوتها اعلى من
اى قرار
بأغانيه الهابطه فى شوارع
زايطه بناس تايهه وملهيه
الساقيه بتدور
لا بتعرف رحمه، ولا أصول
بتفضل دايره مبتبطلش
ليل نهار
Hoda Sobhy
تعليقات
إرسال تعليق