ماشي وسارح فيك للشاغر توبا عمار//مصر
ماشي وســارح فـيـك
وعـنيّا شـايفه طشاش
والـضلمة تـحت المدى
بـــتـــزيــد وتـــتــمــدد
.
وكـــــل نور في عمود
بــيــعـدي زي فــــلاش
والـطـيـف كــأنـه أمــل
بـــيـــبــان ويـــتــبــدد
.
يـــا جــرح غـيّـب أوي!
ما وقفش نزفه الشاش
كدبوا اللي قالوا الهوى
عـلـشان يـمـوت ابـعد
.
جـربـنـا نـبـعـد عـشـان
مـنـموتش فـمـعشناش
وحـاولـنا نـنهي الـهوى
أتــــاريـــه بــيــتــجـدد
.
يــا الــف مـوعـد أمــل
يـوعـدنـي ولا وفّــاش
هـتـفـيـد بــإيـه يا بُـكـا
والـــدمــع مــتـجـمـد؟
.
ازاي تــقــولّـي ابـــعــد
وازاي تـقـولّـي بــلاش
وازاي بييجي الطيف
فــي مـنـامي مـتـعمد؟
تعليقات
إرسال تعليق