حبة وشوشة للشاعرة فتحيه علي عبدالنبي

حبة وشوشه
*************
✍️ فتحيه على عبد النبي
***************************
عندي لك حبة وشوشه و كام كلمه و حبه
حنيه نفسي في يوم أجي أسمعهولك
لو مكنتش أنا اقولهو لك
طب أقوله لمين غالي عليه
صدقني دا أوهام فخيالك مقدرش
أطول في خصامك وسنين العمر
ألي مابينا هاتثبتهولك
طب والقسوه فحبك ليه أزاي هاتحمل
أبتدي بالصلح أنت معايه الأول
وأنا راح أكمل
أي خلاف سيبك منه ركز بقى أنا أهو بطمن
علأخلاص والحب أنا باقي وكمان أئمن
وفبعدك طبعا راح ألاقي الحب
في العمر الباقي
بس أنا متمسك بمشاعر أنا قلب كبير
محدش غيري يعوضهولك
أحكم حتى
عليه بقلبك وبص بنظره
كمان بعيونك
هايدوب الثلج ألي مابيني وبينك