ورقه وقلم للشاعرة فتحيه علي عبدالنبي //مصر
ورقه وقلم ✍️ فتحيه علي عبد النبي
*******************************
ورقه وقلم أول ماهكتب 57357 رقم
مستشفى الضعفنين
وأرسم ضحكه بريئه عالوشوش وهقول
لهم بحبكم
وبدعيلكم بكل وقت وكل حين
ورقه وقلم
وأكتب نداء دعوى كريمه
لجماهير عظيمه
أدعوا معايه الأهلي يكسب أفريقيا
قولوا أمين
وأرسم كمان نجمه وقمر
وأرسم كمان
نخل وشجر
ماهو في المدارس علمونا أزاي
بننقش عالحجر
وعلمونا نعرف أزاي نسطر
وكمان نعرف نعبر
حزن وفرح ودمع عين على حبيب منا أتحرم
ورقه وقلم
نبعت جواب للي أتغرب
والي علينا غاب
ونقول كفايه والله أنا شاكره النعم
ورقه وقلم
أكتب معايده للأهل والجيران
وأقول بعوده
ويعود الكرم
ورقه وقلم أرسم ضحكة شباب
نجحوا يدوب
من أمتحان ولا عزاء للي أهمل
وبات لتاني عام
تعليقات
إرسال تعليق