قليل ألحظ يلقى الوحدة في اللمة//للشاعر توبا عمار

قليل الحظ يلقى الوحدة ف اللمة ..

يلقى البعد ف الضمة ..

يحس بغربة بين الناس ..

يعيش في الشمس 100 ضلمة ..

قليل الحظ يوم ما حب ماتحبش ..

ويوم ماتحب ما حبش ..

نده علي حظه ف الدنيا ..

سنين وسنين ولا ردش

قليل الحظ كان قلبي ..

فكل طريق يشوف عفريت ..

وبيأس بدري من ضعفي ..

وارجع اقول ياريتني ماجيت ..

وافوق من حيرتي القاني ..

واقف ف مكاني زي ما اكون ..

مولود بالحيرة رباني ..

عامل عاقل وانا مجنون ..

جنوني ف إني يوم صدقت ..

بإن الدنيا دي جنة ..

وإن الوقت مهما يطول ..

مسير القلب يتهني ..

يتهني ازاي ودي ساقية ..

ملهاش اخر ولا اول ..

هاتجري قد ما تجري ..

وترجع تاني م الأول