حلم الصغار // بقلم الشاعر عبده مرقس عبدالملاك
حلم الصغار
بقلم الأديب الشاعر/ عبده مرقص عبد الملاك سلامة
طلع النهار
و غنت الاطيار
على فرو ع الاشجار
و تفتحت الازهار
و خرج للحياة الصغار
يلهون
يلعبون
يضحكون
يغنون
فى الباحة قدام الدار
قعد على العتبة جسار
و اتلم حوله فريد و عمار
و محمود و مقار
و ليلى و مريم و ازهار
يسمعوا عزفه على الجيتار
و الطبلة فى ايد مختار
و غنى الصغار
( طلعت الشمس و اشرقت الانوار )
قال محمود انه يتمنى يكون طيار
و لعب بطيارته الورقية
و جسار موسيقار
و ارهارمطربة
ووسام فنان
يرسم بالالوان
لوحات عن جمال الانسان
و المكان
و يخلى الحياة كرنفال
و فريد يحلم يكون شاعر
يكتب الاغانى و الاشعار
و سالم عاوز يكون مهندس معمار
يبنى الجسور بين الانهار
و عمر عاوز يبقى بيطار
و على عاوز يكون جراح
يخفف آلام الإنسان
و حسن يكون عالم اثار
وقف و لد رسم على الجدار بستان
و بنت رسمت عروسة و حصان
و جسار رسم على حيطة الدار
قلبين متعانقين
و يخترقهما سهم و حولهما ورود و اشجار
البنت كتبت جوه القلب اسمها ازهار
و الولد كتب جوه الفلب التانى اسمه جسار
و صحك الصغار
و هللوا
جسار بيحب ازهار
و ازهار بتحب جسار
و على غفلة
تيجى قنبلة
تشعل النار و تهد الديار
البيوت تنهار
و الاشجار
و تحت الانقاض تعانق الصغار
و حولهم الاطيار
ضاعت الدار
و اتحرق الجيتار
و مات جسار و اخواته الصغار
الدخان حجب شمس النهار
و حولها لظلام
و سال الدم انهار
و عم الكون الدماار
عبد مرقص عبد الملاك سلامة
تعليقات
إرسال تعليق