مدبولي قال / لعميد اﻻعمال الكاملة د.محمد ضباشه
مدبولى قال !!!
محمد ضباشه
مدبولى قال ان العيال
من حبنا ترضع خريف
وتحلى بدموع الربيع
مايشب عودها النحيف
ولا فى يوم تعلن غضب
او نسمع القول السخيف
نقدر نسيطر ع البلد
من أى موجة للهدد
واللى بصمته يتولد
هنوطنه ما يبقى ضيف
واللى عاملى زوبعة
فاكرها بامية مقمعة
هيلاقى منا شخلعة
تنفضه فيبات خفيف
مدبولى أصله واد مطيع
لعبد فاتح مِخْلِتُه
بيلم ريش كل البلد
يطرى شَلْتِة قعدته
واللى اتنتف
واللى اتقصف
واللى محزم معدته
يبقوا وقود المركبة
اللى عليها كركبة
من جهلها متركبة
ويا شراع هزل وكفيف
مدبولى صورة لشيخ
بلدفى عصر مش
لاقى اللضى
والعمدة من يومه اتولد
فى ايديه مايك
للفضفضة
ينده يقول يا مصطفى
مين اللى لسه
ما اتكفى
وليه ما سامع شحتفة
تبقى الجيوب مليانه خير
ساعة العصارى يخططوا
لمين فى بكره يشحططوا
وينطوا من فوق السطوح
جوه بيوتنا ويلهطوا
لحم الفراخ من عشه
اويسلسلوا كل الديوك
اللى تكاكى بالغضب
من دمع صرخات الجيوب
المحرومين الشقيانين
والمربوطين فوق الرصيف
مدبولى قال أبقى النبي
بالمعجزات ينطق حجر
ضحك لسانى والنبى
امتى الجفاف ينزل مطر؟
فقال فى مقام الولي
الذنب حتما يغتفر
لَمِّ الخفر وحلف يمينان
اللى ما يحلب عينينك
ل اللى عايشين من البشر
لنقول عليه ملقاط غبيب
يهد هيبة عمدتها
للى بناها ع الهوى
من غير ما تطرح نخلته
ياكلوا العيال الغرقانين
فى بحر مش لاقى الرغيف
مدبولى قولى انت فين من دين
هيرهن حلمنا ؟
وليه مغمض فى العينين
عن سوق بينهش لحمنا ؟
وليه تسوق كل العبط
لما اتربط بيك ضعفنا ؟
وليه جيوبنا تكون سندتستر
غباوة نهرنا ؟
وليه وليه نبقى الهدد
وفى كل ساعة تذلنا ؟
يطلع نهارنا يكون معك
زى الجبل بيهدنا
ونعيش سوى ويا العيال
من صمتنا نرضع خريف
تعليقات
إرسال تعليق