عايم على موج الندم //د.محمد ضباشه عميد اﻻعمال الكاملة //مصر
عايم على موج الندم
محمد ضباشه
مستنى أيه أو حتى مين ؟
ينقش ربيعه فى سكتك
ياخدك يا قلبي بالحنين
يُحْضُن بحب محبتك
ويعدى بيك فوق السنين
اللى ما آنست وحدتك
جوه عيون زى الندى
تروى ظمأ طال قُلِّتَك
تفتح قلوبها شقشقة
لعتمة النبض الحزين
تسهر تداوى باللقى
قلب انجرح خر اليقين
أنه فى أحضان الأمل
يوم تندهك
لو بعد حين ما تكون
ورق صابه الخريف
تسقط عدم من نخلتك
طال انتظارك يا هوى
تنسج حورية م البشر
تعجن بحنية الدوى
من حضنها ينزل مطر
يبل ريق الشرنقة
تنفد بروحها م الحجر
تلقى الحياة بالمختصر
شمعة تنور دنيتك
قوم انتفض واعلن غضب
لكل أشباه النسا
اللى معاهم انكتب
تلقى الصباح ويا المسا
هجر وفراق ولقاء عدم
عايم على موج الندم
لما ضميرهم اتعدم
عروا بفضايح جتتك
تعليقات
إرسال تعليق