كلمة نحبك للشاعرة// راضيه علي // تونس
Radhia Tej
كلمة نحبك
كلمة ياسر حلوة ومزيانة
في النطق والكتيبة والاحساس
لكن هالكلمة على قد ما هي
عميقة و بسيطة ورقيقة
على قد ما صعيب تعيش وتحيا بين الناس
الحب يعني نشوفك بعيني من غير مكياج
الحب يعني نلبسك بحناني ولهفتي وروحي
ذهب وياقوت مرصع في اكبر تاج
نحبك يعني نبنيلك في قلبي قصر
ونرعاك ونصون هواك
ونعشقك لآخر العمر
كي نراك ننسى الدنيا وما فيها
وكي تجيني وتشوفك عيني
قلبي يرقص والكلمة تغني معانيها
ههههه كلمة صغيرة من زوز حروف حب
لكن كيف تدخل جنينتها
وتقطف منها وردة وتشم ريحتها
تسحرك الدنيا اللي فيها وتعشقها
و تنسى حاجه اسمها خوف
يا ريت الناس تحب من غير حساب
وتصدق وتكمل وتدخل
وما تاقفشي كان عالابواب
تدخل لعالمه وتكشف أسراره
وتشوف المحبة حتى في تراكن داره
وتنشر في كل روح
ريحة ورده وفله ونواره
حبو بعضكم واصدقو في احساسكم
وعيشو وتمتعو مع أهلكم وناسكم
الدنيا قصيرة والعمر مرة
وما يحليهم كان الحب
كيف ما يحلي السكر القهوة المرة
راضية علي
تعليقات
إرسال تعليق