كل عام والجميع بخير //بقلم اﻻديبة ملفينا ابو مراد //لبنان
كل عام و الجميع بخير
*****
يا عام الريح ابايحك خود(قبائح)
تاملنا فيك الخير و الجود
قاحل و ماحل كنت مرصود
بالمرض ب الاه بالفقر مشهود
فيك انحرمنا من لذة العيش
فيك أنوجعنا بظلام الطيش
الدواء ما رحمنا مدري ليش
انقطع و صرنا للنبات نعود (الطب العشوائي بالاعشاب)
يا عام عم نحملك كل التقال
بينما التجار عندهم المثقال
جمعوا ثروات ما في مقال
شعلوا الدولار ت للقهر نعود
هالذل بيضل عم نعتل مي
كهرباء و موتور و القطع لي(لماذا)
عيشتنا تقنين قولوا خطي
حتى ألموت عم يعيط بعد
الموت حاصد شرق و غرب
عم تجمع بهالناس بكل درب
م بتفرق معك عدو من محب
متل الشتي لبي طرطش شرد
سرقوا نهبوا عمروا القصور
متلون ما مراء ع مر العصور
هني بيتسلوا بشرب الخمور
و نحن انحرمنا المي بالوئد
هني بالكستنا بطعمها بيلتذو
و البلوط عنا صبح الو بعزو
و الدني كلها مقايسها شذو
ما عاد فينا نشم عطر الورد
النار اختفت و الدفى اختفى
رح منصير نمشي ع الحفى
دموعنا سايلة بشو منكفكف
خف ما فينا نشتري عن جد (مشاية)
اللحم شعللت بهالبد نارو
الدجاج هه غليت سعارو
السمك تشدشدت وتاروا
البيض بالتعتير و بالجهد
حتى الخبز صبح كماليات
الفواكي زينة ما في هات
ننوجدت صارت جماليات
عند التجار للاغنيا و لا لبد
تياب جداد ما في للاعياد
من القهر ما عيدو الولاد
دموع الاهل صامة بتنزاد
من قلة الحيلة بكتر الصد
لعب ما في رجعو الماضي
شو بيعملوا عصر التغاضي
للركض للنط لعبة الرياضي
الدهر كيف انقلب عن جد
للاقوط للايكس لطسة الكلة
للخشب للحجر برمية السلة
الطابة اختفت ب كترة القلة
الشاطر يقلي وينك يا جعد(جعد: الكرم)
العزاييم من بيوتنا تبخرت
صارت ذكرى مهما تاخرت
عيالنا من اللقاءات تجردت
بكل مناسبة و وقت بالاعياد
ملفينا ابومراد
٢٠٢١/١٢/٣١
تعليقات
إرسال تعليق