من غير عنوان //للشاعره ناهد الموجي //مصر //نص رائع

من غير عنوان

‏من غير عنوان ولا شرح طويل

‏الدنيا الفانية متاعها قليل......

.‏والغفلة بتطرح فكر عليل........

.‏والناس نايمين والصاحي قليل

‏مابقاش الحلم بيخطفني لجزيرة بعيد

والقلب الموجوع اتحرر

من نبض عنيدوالنظر الضعفان اتقوي

ف الرؤية شديدبشبه ف مداه

بصرالميت نافذ وحديد..

.مابقاش الحس بتوهني برا الشرايين....

ويبدل ف فصيلة دمي ويغشي العين...

.يؤمر وتحكم وكانه نسخة من الجين

‏يسهر بالليل ويسهرني و تالتنا أنين..‏‏

ما بقتش الدنيا بتغريني فيها الالوان......‏

ابيضها الحاضر والماضي ابيض بهتان.....

.‏وشروق الشمس ومغربها أصبح سيان....

.‏والليل مابقاش دافي بيشبه لليالي زمان

مابقاش ف العمر اللي يكفي تبرير

وجدالبين حلم اتأكد تحقيقه والتاني محال...

.ومقارنة مابين حلو امبارح ومرارالحال....

.ومشاعر زايفة ومغلوطة وحرام وحلال‏

السوشيال ميديا الدوامة من غير حراس

بسكنها وحدد مسارتها مليون خناس......

.مافهاش الفلك اللي هتحمل جواها الناس...

.والرجل الصالح ما ظهرش بين الجلاس..

بياع الحرف المتزوق ما بخافش النار...

.بيعس ف صفحات الميديا وبيرمي شرار

مع انه محمل بولاية ماليين الدار.......

واكيد هيدان زي مابيدين ويشيل العار...

.بقلمي

ناهد الموجي شاعرة مصرية‏